Díli, 2 Dezembru 2025 – Zeus Travel, ajénsia viajen prinsipál ida iha Timor-Leste, ofisialmente inaugura sukursál foun iha Rua Karketu Mota-Ain, Suku Motael, Postu Administrativu Vera Cruz, Díli oras tuku 14:00 OTL. Serimónia Inaugurasaun ne’e marka ho serimónia tesi fita iha sukursál foun no hetan partisipasaun husi Diretór Ezekutivu Zeus Travel, Sr. Júlio da Costa Oliveira Pinto hamutuk ho nia espoza Sra. Miradolinda Teresa da Silva, funsionáriu sira, família no bainaka espesiál sira.
Filiál ida-ne’e maka Zeus Travel nia espansaun ba dala rua, ne’ebé foka ba atendimentu ba kliente lokál no internasionál sira. “Prezensa hosi sukursál ida-ne’e hakarak atu hasae kualidade atendimentu ne’ebé diak, ho alvu atu atende kliente sira iha área sidade Díli bele asesu ho lais” dehan Diretór Ezekutivu. Fasilidade sira ba sukursál inklui rezerva bilhete dijitál ba passeiu doméstiku no internasionál, inklui open trip dan private tour, rezerva otél, villa, no hela-fatin ho deskontu eskluzivu, no seluk-seluktan.
